Mittwoch, 25. Februar 2015

ဓမ္မဒူတ ဆရာတော်ကြီး အရှင်ဆေကိန္ဒ အား ဂျာမနီသို့ ဒုတိယအကြိမ် ပင့်ဆောင်ပူဇော်ခြင်း

ဂျာမနီ နှင့် ဥရောပတခွင် သာသနာတည့်တံ့ ပြန့်ပွားစေရန် ရည်ရွယ်၍ ဓမ္မဒူတ ဆရာတော်ကြီး အရှင်ဆေကိန္ဒ သည် ဂျာမနီသို့ ဒုတိယအကြိမ် ဓမ္မဒူတခရီးကြွရောက် မည်ဖြစ်ပါသည်။

ဆရာတော်ကြီး ကြွရောက်သည့်အချိန်အတွင်း ဂျာမနီ ၊ပောာ်လန်တို့တွင် တရားဒေသနာများ ပောာကြားချီးမြင့် မည်ဖြစ်ပါသဖြင့် တရားဒေသနာများ နာကြားနိုင်ကြပါရန် နိဗ္ဗာန်ကျိုးမျှော် နှိုးဆော်တိုက်တွန်းလိုက်ပါသည်။

ဆရာတော်ကြီး ကြွရောက်မည့်အချိန်....

မတ်လ ၁၇ ရက် ညနေ ၆နာ၇ီခွဲ .....ဓမ္မဒူတမြန်မာဘုန်းကြီးကျောင်း၊ဖရန့်ဖွတ်၊ဂျာမနီ

မတ်လ ၁၈ ရက် ....နေ့လည် Utrecht,Holland တရားပွဲ

မတ်လ ၂၁ ရက်.....Frankfurt,Germanyတရားပွဲ

မတ်လ ၂၂ ရက်....Frankfurt စုပေါင်းဆွမ်းကပ်ပွဲ နှင့်ဆရာတော်ကြီး မြန်မာနိုင်ငံသို့

ပြန်လည်ကြွရောက်မည်ဖြစ်ပါသည်။

ဓမ္မဒူတ ဆရာတော်ကြီးအရှင်ဆေကိန္ဒ ထေရုပ္ပတ္တိအကျဉ်း


ဓမ္မဒူတ ဆရာတော်ကြီး အရှင်ဆေကိန္ဒ အလောင်းအလျာကို စစ်ကိုင်းတိုင်း၊ စစ်ကိုင်းမြို့၊ သောတာပန်ရပ်ကွက် ခမည်းတော် ဦးအောင်သန်း+ မယ်တော် ဒေါ်စိန်ကြည်တို့က ကောဇာသက္ကရာဇ် ၁၃၁၉-ခုနှစ်၊ တပို့တွဲလဆန်း (၉)ရက်၊ (28-1-1958) အင်္ဂါနေ့၌ မီးရှူးသန့်စင် ဖွားမြင်တော်မူခဲ့ပါသည်။
၁၉၇၅-ခုနှစ်၌ စစ်ကိုင်းမြို့ အမှတ်(၁) အထက်တန်းကျောင်းမှ ၁၀-တန်းကို အောင်မြင်ခဲ့ပြီး ၁၉၇၉-ခုနှစ်၌ မန္တလေးမြို့ စက်မှုလက်မှုသိပ္ပံ၏ A.G.T.I (civil) မြို့ပြအင်ဂျင်နီယာ ဒီပလိုမာဘွဲ့ကို ရရှိအောင်မြင်ခဲ့ပါသည်။
၁၉၈၃-ခုနှစ်၌ မွန်ပြည်နယ် ဘီးလင်းမြို့နယ် တောင်စွန်း ဓမ္မဒူတတောရ ဆရာတော်ကြီးကို ဥပဇ္ဈာယ်ပြု၍ ရှင်ရဟန်းအဖြစ်ကို ယူခဲ့ပါသည်။ အရှင်မြတ်သည် တောင်စွန်း ဓမ္မဒူတတောရကျောင်းတိုက်ကြီး၌ပင် ပရိယတ္တိ စာပေတို့ကို မူလတန်း၊ ပထမငယ်တန်း၊ ပထမလတ်တန်း၊ ပထမကြီးတန်းတို့ကို နှစ်ချင်းပေါက် အောင်မြင်တော်မူခဲ့ပြီး ၁၉၉၃-ခုနှစ်တွင် စာချတန်း၌ ကျမ်းရင်းသုံးကျမ်းစလုံးကို တစ်နှစ်တည်းဖြင့်ပင် အောင်မြင်တော်မူခဲ့၍ အစိုးရ သာသနဓဇဓမ္မာစရိယဘွဲ့တံဆိပ်ကို ရရှိတော်မူခဲ့ပါသည်။ သဒ္ဓမ္မနေပုည ဓမ္မာစရိယဘွဲ့နှင့် သာသနဇောတိပါလ ဓမ္မာစရိယဘွဲ့တို့ကိုလည်း ရရှိတော်မူခဲ့ပြန်ပါသည်။
ထို့ပြင် နိုင်ငံတော် အစိုးရမှဆက်ကပ်သော မဟာသဒ္ဓမ္မဇောတိကဓဇ၊ မဟာဂန္ထ၀ါစကပဏ္ဍိတ၊ ဓမ္မကထိက ဗဟုဇနဟိတဓရ၊ အပြည်ပြည်ဆိုင်ရာ ထေရ၀ါဒဗုဒ္ဓသာသနာပြု တက္ကသိုလ်မှ M.A (Buddhism) နှင့် Ph.D ဘွဲ့တို့ ကိုလည်းရရှိခဲ့ပါသည်။ ပရိယတ္တိစာပေများကို တောင်စွန်း ဓမ္မဒူတတောရ၊ အမရပူရမြို့ မဟာဂန္ဓာရုံကျောင်းတိုက်၊ မန္တလေးမြို့ မစိုးရိမ်တိုက်၊ စစ်ကိုင်းမြို့ ဇေယျသိန်ပါဠိတက္ကသိုလ်၊ စစ်ကိုင်းမြို့ သုဗောဓာရုံ စာသင်တိုက်စသော ကျောင်းတိုက်တို့ရှိ ဆရာမြတ်တို့၏ အထံတော်မှ နည်းနာခံယူ သင်ယူခဲ့ပါသည်။
၁၉၉၈ ခုနှစ်၌ အပြည်ပြည်ဆိုင်ရာ ထေရ၀ါဒ ဗုဒ္ဓသာသနာပြု တက္ကသိုလ်တွင် နည်းပြအဖြစ် တာဝန်ထမ်းဆောင်တော်မူခဲ့ပါသည်။ ၂၀၀၀ ခုနှစ်တွင် လက်ထောက်ကထိက၊ ၂၀၀၅ ခုနှစ်တွင် ရန်ကုန်တက္ကသိုလ် အရှေ့တိုင်းဌာနတွင် တွဲဖက်ပါမောက္ခအဖြစ် ပူးတွဲတာဝန်ထမ်းဆောင်တော်မူခဲ
့ပါသည်။
အရှင်မြတ်သည် ဓမ္မဒူတနာယက အဖွဲ့ဝင်၊ မှော်ဘီမြို့နယ် သံဃနာယက အဖွဲ့ဝင်၊ ဓမ္မဒူတ ဇေတ၀န်တောရ ဆေကိန္ဒာရာမ ကျောင်းတိုက်ကြီး၏ ပဓာန နာယက ဆရာတော်၊ အပြည်ပြည်ဆိုင်ရာ ထေရ၀ါဒ ထေရ၀ါဒဗုဒ္ဓသာသနာပြု တက္ကသိုလ် ပဋိပတ္တိမဟာဌာန (၀ိပဿနာ) ပါမောက္ခ၊ မဟာဌာနမှူး ဆရာတော်စသော တာဝန်တို့နှင့် ကျမ်းစာရေးသားခြင်း၊ စာပေပို့ချခြင်း၊ တရားဟောပြောခြင်း၊ တရားပြသခြင်း၊ ယဉ်ကျေးလိမ္မာ လူငယ်သင်တန်းများ ဖွင့်လှစ်ခြင်း စသည်တို့ကို ဆောင်ရွက်တော် မူလျက်ရှိသည်။

Sonntag, 22. Februar 2015

လစဉ်အလှူရှင်များ

ဂျာမနီနိုင်ငံရောက် မြန်မာဗုဒ္ဓဘာသာဝင်များ စုပေါင်းပြီး ဂျာမနီနိုင်ငံတွင် ဓမ္မဒူတမြန်မာကျောင်းတော်ကြီးဖြစ်မြောက်ရေးအတွက် ဝိုင်းဝန်းဆောင်ရွက်လျှက်ရှိပါသည်။ ဓမ္မဒူတဆရာတော် အရှင်ဆေကိန္ဒကလည်း ကျောင်းတော်ကြီးဖြစ်မြောက်ရေးအတွက် ယူရို ၁ သိန်း မ တည်လှူဒါန်းထားပါသည်။

ကျောင်းတော်ကြီးဖြစ်မြောက်ရေးနှင့် ရေရှည်တည်တံ့ရေးအတွက် ဂျာမနီနိုင်ငံရှိ မြန်မာမိသားစုများ၏အင်အားဖြင့် မလုံလောက်နိုင်ပါ။ ကမ္ဘာအရပ်ရပ်ရှိမြန်မာဗုဒ္ဓဘာသာမိသားစုများ၏ သဒ္ဓါအားကိုလည်း များစွာ လိုအပ်ပါသည်။

မြန်မာကျာင်းတော်ကြီး ဖြစ်မြောက်ရေးအတွက် မိမိတို့ သဒ္ဓါအလျောက် စွမ်းအားရှိသမျှ လှူဒါန်းနိုင်ကြပြီဖြစ်သလို လစဉ်လှူရှင်အဖြစ်လည်း တစ်လလျှင် ယူရို ၁ဝ (ပြည်ပနိုင်ငံအလှူရှင်များအတွက် ဒေါ်လာ ၁ဝ)နှုန်းဖြင့် ကျောင်းအလှူတွင် ပါဝင်လှူဒါန်းနိုင်ကြပြီဖြစ်ပါကြောင်း သတင်းကောင်းပါးအပ်ပါသည်။

လစဉ်အလှူရှင်များ(ပြည်ပ)
၁။ ကိုဇော်မိုးလွင် + မစပယ်လွင်၊ သမီး သဉ္ဖာလွင်၊ သား အောင်ခန့်မိုး မိသားစု၊ Myanmar Midea Star Publication
၂။ မသန္တာအေး၊ တောင်ဥက္ကလာပမြို့နယ်


လှူဒါန်းရန် ဘဏ်အကောင့် ....

IBAN : DE82 4401 0046 0198 0154 66
BIC : PBNKDEFF
POST BANK

Verwendungszweck (လှူဒါန်းသည့်ရည်ရွယ်ချက်) ဖြည့်သွင်းရာတွင် . . . 

၁။ ဓမ္မဒူတမြန်မာကျောင်းတော်ကြီး ဖြစ်မြောက်ရေးအတွက် လှူဒါန်းလိုလျှင် 
    DHMD1

၂။ ကျောင်းလစဉ်အလှူငွေအတွက် လှူဒါန်းလိုလျှင် 
    DHMD2

၃။ သံဃာတော်များ၏ ကျန်းမာရေးအလှူငွေ အတွက် လှူဒါန်းလိုလျှင် 
    DHMD3

၃။ ဓမ္မဒူတမြန်မာကျောင်း အထွေထွေအတွက် လှူဒါန်းလိုလျှင် 
    DHMD4


ဟု ထည့်သွင်းရေးသားလှူဒါန်းပေးပါရန်လည်း မေတ္တာရပ်ခံအပ်ပါသည်။

ဆက်သွယ်ရန် လိပ်စာ ... 
Dhammaduta Myanmar Buddhist Temple
c/o
Htet Kyain Aung 
Gutleutstr 127, 60327
Frankfurt, Germany

ဖုန်း ....
+49 692 4404 258
+49 173 1535 014
+49 172 2750 691