"သောတာပန်၏ ထူးခြားချက်(၇)ရပ်"

‎

ကိုယ့်ခန္ဓာကို ဉာဏ်စိုက်ကြည့်လိုက်ရင် ဝေဒနာပေါ်လဲ ဖောက်ပြန်သွားတာပဲ၊ ပျက်စီးသွားတာပဲ။ ဝေဒနာရှုလိုက်တော့ ဝေဒနာလေးက ဖြစ်လိုက်ပျက်လိုက်နဲ့ သူ့သဘောသူ စွန့်စွန့်သွားတယ်။

★သုခဝေဒနာကလဲ သုခဝေဒနာသဘောစွန့်တယ်။ ဒုက္ခဝေဒနာကလဲ ဒုက္ခဝေဒနာသဘောစွန့်တယ်။
ဥပေက္ခဝေဒနာကလဲ ဥပေက္ခဝေဒနာသဘော စွန့်တယ်။
လောဘစိတ်ကလဲ လောဘသဘောစွန့်တယ်။
စွန့်ပြီး အနိစ္စသဘောချည်း ဖြစ်ပြီးပျက်တာချည်းပြတယ်။ ဒီလိုချည်းပြနေတော့ ဒါတွေဟာ "၀ိပရိဏာမလက္ခဏံ ဒုက္ခသစ္စံ"ပဲ။

ဉာဏ်နဲ့ကြည့်လိုက်တော့ဝိပရိဏာမလက္ခဏာတွေချည်းပဲ၊
ဖောက်ပြန်တာချည်းပဲ။အထည်မကျန်ဘူး။ ဝေဒနာပေါ်ရင်
ဝေဒနာကြည့်လိုက်တော့ ဝေဒနာလေးကို ရှာမတွေ့တော့ဘူး။

★ ဝေဒနာပျက်ပျက် စိတ်ပျက်ပျက် ရုပ်ပျက်ပျက် အထည်မကျန်ဘူး။ ဖောက်ပြန်ပျက်စီးသွားတာကို မြင်အောင်ကြည့်ရမယ်။ ဒီလိုမြင်အောင်ကြည့်ပြီး ဒုက္ခသစ္စာပါလား၊ ဖောက်ပြန်ပျက်စီးသွားတာမှ တစ်ပိုင်းတစ်စတောင်မကျန်တော့ပါလား လို့ ရှေးဦးစွာ ဟုတ်တိုင်းမှန်စွာမြင်ရမယ်။ မြင်ပြီးတော့ မိမိခန္ဓာကြီးသည် ဖောက်ပြန်ပျက်စီးမှုမှတစ်ပါး ဘာမှမရှိ၊ တကယ့်ကို ရွံစရာ မုန်းစရာခန္ဓာကြီးပါလားလို့ ဉာဏ်တက်လာမယ်။ ဉာဏ်တက်ပြီးနောက် ရွံစရာမုန်းစရာခန္ဓာကြီးတော့ သိမ်းမှတော်မယ်၊ သိမ်းမှအေးမယ်၊ ရချင်စရာတစ်ကွက်မှမရှိဘူးဆိုတဲ့ ဉာဏ်တက်လာလိမ့်မယ်။ ဒီဉာဏ်တက်လာခဲ့ရင် ရှေ့ဒုက္ခတွေ ချုပ်သွားလိမ့်မယ်။ ၀ိပရိဏာမဒုက္ခတွေ ချုပ်သွားလိမ့်မယ်။★

★အ၀ိပရိဏာမ နိဗ္ဗာန်ပေါ်လာလိမ့်မယ်။ အဲဒီတော့မှပဲ ဖောက်ပြန်ပျက်စီးမှု ၀ိပရိဏာမတွေ မရှိတော့ဘူး၊ အခုမှပဲ ဖောက်ပြန်ပျက်စီးမှုကြီးဇာတ်သိမ်းသွားတာ တွေ့ရတော့တယ်ဆိုတဲ့ ဉာဏ်လာတယ်။ ဒါဖြင့် ဖောက်ပြန်ပျက်စီးမှုဇာတ်သိမ်းတာက နိရောဓသစ္စာ၊ တွေ့တဲ့ဉာဏ်က မဂ္ဂသစ္စာဆိုတော့ သောတာပန်တည်ရော။ မဂ်ရ ဖိုလ်ရတာပဲ။ မဂ်ဖိုလ်ရရင် ပစ္စဝေက္ခဏာ ရတာပဲ။ ပစ္စဝေက္ခဏာရတာ အထူးပြောဖို့မလိုဘူး၊ ၀ီထိနိယာမသဘောအတိုင်း မဂ်ဖိုလ်ရရင် သူရမှာပဲ။ မဂ်ရဖို့သာ အဓိကဖြစ်တယ်။

★၀ိပရိဏာမဒုက္ခသစ္စာမြင်နေတုန်း ကိစ္စဉာဏ်။ ၀ိပရိဏာမဆုံးသွားတာမြင်လိုက်တော့ ကတဉာဏ်။ ကတဉာဏ်ဆိုတာ ငါသောတာပန်တည်ပြီလို့ သိလိုက်ရတဲ့ဉာဏ်။ မဂ်ဉာဏ်ကတက်ပြီး သောတာပန်တည်ပြီလို့သိလိုက်ရတဲ့ဉာဏ်၊ ဖောက်ပြန်တဲ့ကိစ္စတွေ မမြင်တော့ဘဲ ဖောက်ပြန်တဲ့ကိစ္စတွေ ရှာမတွေ့တော့ဘဲ ဖောက်ပြန်ခြင်းကင်းတာကို မြင်တဲ့ဉာဏ်ဟာ ကတဉာဏ်။

ဒါဖြင့် ခန္ဓာကိုယ်ထဲ ဘာပေါ်ပေါ် ဒုက္ခသစ္စာချည်းပေါ်တာပဲလို့ သိတဲ့ဉာဏ်က သစ္စဉာဏ်၊ ပေါ်တာဟူသရွေ့ ဒုက္ခသစ္စာလို့ ဆုံးဖြတ်ချက်ချ။ သူ့ရဲ့ ဖောက်ပြန်ပျက်စီးတဲ့ကိစ္စကိုသိတော့ ကိစ္စဉာဏ်၊ ပေါ်လာတာလေးတွေက ပေါ်လာတဲ့သဘောတွေ အကုန်စွန့်ပြီး ဖောက်ပြန်ပျက်စီးသွားတာလေးတွေပဲ ဆက်တိုက်မြင်နေရင် ဒါကို ကိစ္စဉာဏ်။ ဖောက်ပြန်ပျက်စီးတဲ့ကိစ္စ မမြင်ပြန်တော့ ကတဉာဏ်။ ဖောက်ပြန်ပျက်စီးတာတွေတော့မမြင်ရတော့ဘူး၊ မဖောက်ပြန်မပျက်စီးတဲ့ ချမ်းသာလေးတစ်ခုတည်းပဲ မြင်နေတယ်ဆိုရင် ဒါ ကတဉာဏ်ပဲ။ ဒီဉာဏ်သုံးဉာဏ်နဲ့ပဲ တက်လိုက်ပါ။

★အကျဉ်းအားဖြင့်
သစ္စာသိရင် သစ္စဉာဏ်၊
ဖောက်ပြန်တာသိရင် ကိစ္စဉာဏ်၊
ဖောက်ပြန်တာတွေ မတွေ့တော့ဘူးဆိုရင် ကတဉာဏ်။★

★ကတဉာဏ်ဆိုက်ရင် သောတာပန်တည်ပြီ။
သောတာပန်ဖြစ်တယ်ဆိုတာ သောတာပန်စိတ်ပေါ်တာပါပဲ။ ရုပ်ပိုလှလာတာလဲမဟုတ်ဘူး၊ ဆိုင်းဘုတ်ဆွဲထားတာလဲမဟုတ်ဘူး။ အဲဒီသောတာပန်မှာပေါ်တဲ့ သောတာပန်စိတ်သည် ပုထုဇဉ်နဲ့ မတူတာ ခုနှစ်မျိုးရှိတယ်။★

★★သောတာပန်လဲ လောဘ ဖြစ်သေးတယ်၊
ဒေါသလဲ ဖြစ်သေးတယ်၊
မောဟလဲ ဖြစ်သေးတယ်။
ထိနမိဒ္ဓ ငိုက်မျည်းစိတ်တွေလဲ ဖြစ်သေးတယ်။
ဥဒ္ဓစ္စ ပျံ့လွင့်မှုတွေလဲ ဖြစ်သေးတယ်။
ကုက္ကုစ္စလဲ ဖြစ်သေးတာပဲ။
ဒီတရားတွေက ပုထုဇဉ်မှာလဲ ဖြစ်တယ်၊ သောတာပန်မှာလဲ ဖြစ်တယ်ဆိုတော့ တူနေတဲ့သဘောတွေ ဖြစ်နေတယ်။ ဒါဖြင့် ဘယ်လိုထူးလဲဆိုရင် ပုထုဇဉ်က ဒီတရားတွေဖြစ်ရင် ဖြစ်ကြောရှည်တယ်။ ကတဉာဏ်ရလို့ သောတာပန်တည်ပြီးသားပုဂ္ဂိုလ်က
ဖြစ်တော့ဖြစ်ပေမယ့် ဖြစ်ကြောမရှည်ဘူး။★★

★ပုထုဇဉ်က လောဘဖြစ်လိုက်ပြီဆိုရင်လဲ ဒီလောဘချည်းပဲ အကြာကြီးဖြစ်နေတတ်တယ်။ ဒေါသဖြစ်နေတယ်ဆိုရင်လဲ
ဒေါသချည်းပဲဖြစ်လို့ မကျေမချမ်းနိုင်ဘူး။ ဒါဟာ ဖြစ်ကြောရှည်တာပဲ။ ဒုက္ခချုပ်ပြီးသား သောတာပန်ကတော့ ဖြစ်တယ်ဆိုရင် ဖြစ်သွားတယ်လို့
နောက်က တစ်ခါတည်း ဉာဏ်လိုက်တယ်။ ဖြစ်ရင် ချက်ချင်းသိတယ်၊ ဖြစ်ကြောမရှည်တော့ဘူး။ ငါလောဘဖြစ်သွားတယ်လို့ နောက်ကနေ ဉာဏ်နဲ့ ချက်ချင်း အသိလေးလိုက်လာတယ်။ ဒေါသဖြစ်ရင်လဲ ဉာဏ်အသိ ချက်ချင်းလိုက်တယ်။ ထိနမိဒ္ဓဖြစ်ရင်လဲ ချက်ချင်းလိုက်တာပဲ။ မသိလိုက်တာဆိုတာ မရှိဘူး။ လောဘဖြစ်ဖြစ်၊ ဒေါသဖြစ်ဖြစ်၊ ထိနမိဒ္ဓဖြစ်ဖြစ်၊ ဥဒ္ဓစ္စကုက္ကုစ္စဖြစ်ဖြစ် ဖြစ်တော့ဖြစ်တာပဲ၊ မပယ်နိုင်သေးလို့ ဖြစ်တာ။★

★ သောတာပတ္တိမဂ်က ဒိဋ္ဌိနဲ့ ၀ိစိကိစ္ဆာပဲ ပယ်နိုင်သေးတာ။★

☑လောဘ ဒေါသ မောဟတွေက မပယ်နိုင်သေးတော့ လာမှာပဲ။ လာပင်လာသော်လဲ ချက်ချင်း နောက်က ပြန်သိတယ်။ ပဋိစ္စသမုပ္ပါဒ်က နောက်က ဖြတ်ဖြတ်လိုက်တယ်။ ပုထုဇဉ်ကတော့ မဖြတ်ဘူး၊ ပဋိစ္စသမုပ္ပါဒ် တန်းနေအောင် သွားတာပဲ။ ဥပမာ ပုထုဇဉ်က ဒေါသဖြစ်ရင် ကမ္ဘာမကျေဘူးဆိုပြီး တေးထားတယ်။ သောတာပန်ကတော့ ဖြစ်တော့ဖြစ်လိုက်တာပဲ၊ ဒါပေမယ့် နောက်က အသိနဲ့ ပြန်လိုက်ပေးလိုက်တယ်။ ဒါနံပါတ်(၁)ကွာခြားမှုပဲ။ ဖြစ်ကြောရှည်နဲ့ ဖြစ်ကြောတိုကွာတယ်။

☑နံပါတ်(၂)က လောဘ ဒေါသ မောဟတွေ မပယ်နိုင်သေးတော့ အကြောင်းတိုက်ဆိုင်လို့ ပေါ်လာခဲ့သော်လဲ ဒီကိလေသာတွေ ငြိမ်းအေးအောင်လုပ်လိုက်တော့မယ်ဆိုတဲ့ စိတ် ပေါ်လာတယ်။ သိရုံတင်မကဘူး၊ ငြိမ်းအေးအောင်လုပ်မယ်ဆိုတဲ့အထိလာတယ်။ လောဘ ဒေါသ မောဟတွေကတော့ ပုထုဇဉ်လိုပဲ ဖြစ်တာပဲ။ သို့သော် ဖြစ်မှန်းသိတဲ့အတွက် ငြိမ်းအေးအောင်လုပ်လိုက်မယ်ဆိုပြီး ဖြစ်ပျက်ရှုလိုက်တော့ ငြိမ်းအေးသွားတာပဲ။ ဘယ်တော့မှ မကျေဘူး ဘာညာဆိုတာတွေ မကျန်ရစ်တော့ဘူး။ ကိလေသာတွေ လာသော်လဲ ငြိမ်းအေးအောင်လုပ်ပစ်လိုက်တယ်။ အကျဉ်းချုပ်အားဖြင့် မှားရင် မှားမှန်း ချက်ချင်းသိတယ်၊ ငြိမ်းအောင်လုပ်ပစ်တယ်။ လောဘ ဒေါသတွေနဲ့ မှားတာကိုပြောတာ။

☑(၃)နံပါတ်က ဒီဘုရားသာသနာမှတစ်ပါး အခြားသာသနာမှာ သောတာပန် သကဒါဂါမ် အနာဂါမ် ရဟန္တာမရှိဘူးလို့ ယုံကြည်တယ်။ ကိုယ်တိုင်သိလာတာ။ သိလာလို့ ယုံကြည်တာ။

☑(၄)နံပါတ်က ရဟန်းတော်တွေဟာ ဘုရားပညတ်ထားတဲ့သိက္ခာပုဒ်တစ်ခုခု ချိုးဖောက်မိရင် အပြစ်သင့်တယ်။ အာပတ်သင့်တယ်။ အဲဒီအပြစ်ကို သိလိုက်တာနဲ့ ပျောက်သွားအောင် ချက်ချင်း ဒေသနာကြားတယ်။ အာပတ်ကုစားတာခေါ်တယ်။ လူတွေမှာတော့ တစ်ခုခု မှားလို့ရှိရင် ၀န်ချတောင်းပန်ပြီး ပြေလည်အောင်လုပ်လိုစိတ်ပေါ်လာတယ်။ မှားတဲ့ဥစ္စာ ချက်ချင်း ပြေအောင်လုပ်ချင်စိတ်ပေါ်လာတာ။ မှားမိတာ သိလိုက်တာနဲ့ ချက်ချင်း ဘုရားရှေ့သွားပြီး ကမ္မဋ္ဌာန်းထိုင်ပစ်လိုက်ပြီး မှားတဲ့အပြစ်တွေ ပြေပြောက်အောင် လုပ်လိုက်တယ်။ ဒါသောတာပန်ရဲ့စိတ်ထားပဲ။

☑နံပါတ်(၅)က အမှုကိစ္စအတွက် ရုံးကန်ကနားခေါ်သော်ငြားလဲ လိုက်တော့လိုက်တယ်။ ဒါပေမယ့် သူ့ သီလ၊ သမာဓိ၊ ပညာတော့ အပျက်မခံဘူး။ ကိစ္စကြီးငယ်ရှိလို့ အကူအညီလိုရင် အကူအညီတော့ ပေးတာပဲ၊ ဒါပေမယ့် သူ့သီလ၊ သမာဓိ၊ ပညာတော့ အပျက်မခံဘူး။ မဟုတ်ဘဲနဲ့ အဟုတ်လုပ်အပြောခိုင်းလဲ သူမပြောဘူ၊ အလိမ်ခိုင်းလဲ မလိမ်ဘူး၊ မတရား ထွက်ဆိုတာမျိုး သူမလုပ်တော့ဘူး။ အမှန်ပြောရင် ဘယ်လိုလုပ်မယ်၊ ဘာလုပ်မယ်စသည်ခြိမ်းခြောက်နေစေကာမူ သူကတော့ အမှန်အတိုင်းပဲ ထွက်ဆိုတယ်။ ဒီလိုပြောပေးရင် ငွေပေးမယ်၊ ဘာပေးမယ်ပြောလဲ သူကတော့ မဟုတ်မမှန်တာကို အဟုတ်အမှန်လုပ်ပြီး ပြောမပေးတော့ဘူး။

☑နံပါတ်(၆)က တရားဟောနေတဲ့အခါ အနက်အဓိပ္ပါယ်ကို သိပြီး စိတ်ဟာဘယ်မှမသွားဘဲနဲ့ နာလေ့ရှိတယ်။ မြတ်စွာဘုရားတရားတော်တွေ နာကြားရတဲ့အခါ အာရုံတစ်ပါး စိတ်မသွားဘဲ စူးစူးစိုက်စိုက် နာနိုင်ခြင်းသည် သောတာပန်ရဲ့ သဘောပဲ။

☑နံပါတ်(၇)က တရားတော်တွေ နာကြားပြီးတဲ့နောက် ပြောလို့လဲ မပြီးနိုင်၊ ၀မ်းမြောက်လို့လဲ မဆုံးနိုင်ဘူးတဲ့။ သိပ်ပြီး သဘောကျလွန်းလို့ ပီတိသောမနဿတွေဖြစ်ပြီး တော်တော်နဲ့ မပျောက်နိုင်ဘူး။

★★★အကျဉ်းပြန်ချုပ်လိုက်ရင်-★★★

၁။ လောဘ ဒေါသ မောဟ ပေါ်တိုင်ပေါ်တိုင်း ချက်ချင်းသိတာသည် သောတာပန်ရဲ့အသိ။

၂။ သိသည်နှင့်တစ်ပြိုင်နက် ငြိမ်းအေးအောင်လုပ်နိုင်ခြင်းသည် သောတာပန်ရဲ့ အသိ။

၃။ ဤသာသနာမှတစ်ပါး အခြားသာသနာမှာ ထွက်ရပ်လမ်းလုံးဝမရှိဘူးဆိုတဲ့ယုံကြည်မှုဟာလဲ သောတာပန်ရဲ့ သဒ္ဓါ။

၎။ ကျူးလွန်ထားတဲ့အပြစ်ကို ချက်ချင်း ကုသလိုတဲ့စိတ်ပေါ်တာဟာလဲ သောတာပန်ရဲ့ သဘော။

၅။ ကိစ္စကြီးငယ်ရှိလို့ အကူအညီ သက်သေလိုက်ရငြားသော်လဲ သီလ သမာဓိ ပညာ အပျက်မခံတာသည် သောတာပန်ရဲ့သဘော။

၆။ တရားတော်တွေကို အာရုံတစ်ပါး စိတ်မသွားဘဲ အနက်အဓိပ္ပါယ်သိပြီး နာနိုင်ခြင်းသည် သောတာပန်။

၇။ ခန္ဓာဉာဏ်ရောက်တရားတွေနာရတော့ ၀မ်းမြောက်လို့မဆုံး ကြည်ညိုလို့မဆုံး ကျေးဇူးတင်လို့ မဆုံးဖြစ်တာသည် သောတာပန်။

ပုထုဇဉ်နဲ့ သောတာပန် ဒီ(၇)ချက်မှာ ထူးခြားတယ်တဲ့။ ကောသမ္ဘီရဟန်းတွေ အကြောင်းပြုပြီးဟောတာ။ ဥပမာ သောတာပန်လဲ ရန်တော့ ဖြစ်တာပဲ။ ဒါပေမယ့် ဖြစ်ရင် ဖြစ်မှန်းနောက်ကသိတယ်။ သိလိုက်တော့ ငြိမ်းအောင်လုပ်လိုက်တယ်။ သိလို့ ကုသလိုက်တယ်။ သူတစ်ပါးကိစ္စဆောင်ရွက်ရာမှာ သီလ သမာဓိ ပညာကိုသာ ငဲ့လေ့ရှိတယ်။ တရားနာတဲ့အခါမှာ အခြားစိတ်တွေ အ၀င်မခံဘူး။ တရားနာရတော့ ၀မ်းသာလို့မဆုံး ပီတိသောမနဿတွေလဲ ဖြစ်လို့မဆုံးဘူးတဲ့။ ဒါ ပုထုဇဉ်နဲ့ မတူတဲ့အချက် (၇)ချက်။ ဒီ(၇)ချက်နဲ့ ကိုက်ညီပြီဆိုရင်တော့ ကိုယ့်ကိုယ်ကို သောတာပန်ဖြစ်နေပြီလို့ ကောက်ချက်ချလိုက်ပါ။

(မိုးကုတ်ဆရာတော်ဘုရားကြီး၏ ဟောတရားများမှ ကောက်နုတ်တင်ပြခြင်းသာဖြစ်သည်။)

ဒေါက်တာအရှင်ပါရမီ

ဓမ္မစကြာရွတ်ဖတ်ပူဇော်ပွဲနှင့် မေတ္တာပို့ ဆုတောင်းပွဲ

ဖရန့်ဖတ်မြို့တွင် နေထိုင်ကြကုန်သော ဓမ္မ မိတ်ဆွေ သူတော်ကောင်းအပေါင်းတို့....
 ဒီဇင်ဘာ ၃၁ ရက်နေ့တွင် မှာ နှစ်ဟောင်း ကုန်၍ နှစ်သစ်ကူးအခါသမယတွင် ဓမ္မစကြာ ရွတ်ဖတ်ပူဇော်၍ မေတ္တာပို့ဆုတောင်းကာ နှစ်သစ်ကို ကြိုဆို ကြပါကုန်စို့။
  အချိန်၊ ၁၇:၀၀ တိတိ
  နေရာ၊ Gutleut Straße 127, 60327 Frankfurt am Main. (MBCG ကျောင်း)

ပေးကမ်းစွန့်ကြဲခြင်း

ရဟန်းတို့ -
ပေးကမ်းစွန့်ကြဲခြင်း စေတနာရဲ့အကျိုးကို
ငါဘုရား သိသလို၊ သတ္တ၀ါများ သိကြမယ်ဆိုရင် . .

• ကိုယ်စားမယ့်ဝတ္ထုထဲက၊ သူတစ်ပါးကို မပေးကမ်းပဲ၊
ဘာကိုမျှ စားနိုင်မည်မဟုတ်ပေ။

• ကိုယ့်ပစ္စည်းကို မပေးရက်တဲ့ အကုသိုလ်စိတ်တွေလည်း၊
သတ္တ၀ါတို့ကို နှိပ်စက်နိုင်မှာ မဟုတ်ပေ။

( ဣတိဝုတ်ပါဠိတော်၊ ဒါနသုတ် )

ရုပ်ကိုပြုပြင်တဲ့ အကြောင်းတရား

ရုပ်ကိုပြုပြင်တဲ့ အကြောင်းတရား လေးပါးက ကံ, စိတ်, ဥတု, အာဟာရ။ ကံတရားက ရုပ်ကိုပြင်တယ်။ ကံကသေဆိုလျှင်သေတာဘဲ။
စိတ်ကလည်း ပြုပြင်တယ်။ စိတ်ညှိုးတော့ ရုပ်လည်းညှိုးတယ်။ ဥတုကလည်း ပြုပြင်တယ်။ ဥတုအေးလျှင် ရုပ်က အအေးရုပ်၊ ဥတုက ပူတော့ အပူရုပ်။
အာဟာရကလည်း ရုပ်ကိုပြုပြင်တယ်။ ဆာလောင်မွတ်သိပ်တော့ တစ်မျိုး။ ၀မ်းပြည့်တော့ တစ်မျိုးနဲ့ အမျိုးမျိုး ပြုပြင်ပေးနေတာဘဲ။

ဒီလေးခုက ပြုပြင်လိုက်လို့ ပေါ်လာရတဲ့ ရုပ်တရားတွေဟာ သင်္ခါရဘဲ။ သူတို့ပြုပြင်လို့ ပေါ်လာရတာဖြစ်လို့ ဘယ်ရုပ်မဆို သင်္ခါရဘဲ။

နာမ်ဆိုတာလည်း အာရုံ နဲ့ ဒွါရ တိုက်ဆိုင်မှ ပေါ်လာရတယ်။
ဥပမာ - မျက်လုံးအကြည်, နားအကြည် စတဲ့ အကြည်ရုပ်တွေက အခံဓာတ်။
အဆင်းအာရုံ, အသံအာရုံစတဲ့ အာရုံတရားတွေက အတိုက်ဓာတ်။
အဲဒီ အာရုံတွေနဲ့ အကြည်ဒွါရနဲ့ တိုက်ဆိုင်တဲ့အခါမှာ နာမ်တရားတွေ ဖြစ်ပေါ်လာရတယ်။ ဒါကြောင့် နာမ်တရားဟာလည်း၊ အာရုံနဲ့ ဒွါရက ပြုပြင်လို့ ပေါ်လာရတဲ့ တရားဖြစ်လို့၊ နာမ်ဟာလည်း သင်္ခါရဘဲ။

ဒကာ, ဒကာမတို့ခန္ဓာမှာ ရုပ်နဲ့နာမ်ဘဲရှိတယ်။ အကြောင်းလေးပါး ပြုပြင်တာက ရုပ်။ အကြောင်းနှစ်ပါး ပြုပြင်ထားတာက နာမ်။ ဒီနှစ်မျိုးဘဲ ခန္ဓာမှာရှိတယ်။ ဒီလိုပြုပြင်ထားတဲ့ ခန္ဓာငါးပါး (ရုပ်နာမ်နှစ်ပါး) ဟာ သင်္ခါရဘဲ, သင်္ခါရအစုဘဲဆိုတာ မှတ်ထားကြ။

ဒီတော့ ဒီခန္ဓာထဲမှာ ကိုယ်လုပ်ထားတာ မပါဘူး။ ကိုယ်လုပ်လို့ဖြစ်တဲ့ပစ္စည်း တစ်ခုမှ မပါဘူး။ နာမ်ထဲမှာလည်း မပါဘူး။ ရုပ်ထဲမှာလည်း မပါဘူး။ ဒီရုပ်, ဒီနာမ်ဟာ အကြောင်းတရားက လုပ်ပေးထားလို့ ဖြစ်ပေါ်ရတဲ့တရားဘဲ။ ဒီခန္ဓာဟာ သူများပြုပြင်ထားတဲ့ သင်္ခါရအစုဘဲ။ ဒါကြောင့် ဘုရားရှင် ကိုယ်တော်မြတ်က ဒီရုပ် ဒီနာမ် ဒီခန္ဓာတွေကို "ငါ" မစွဲနဲ့တဲ့။ သူများပြုပြင်ထားတဲ့ သင်္ခါရမို့ သင်္ခါရလို့ဘဲ သဘောထားလိုက်ကြတဲ့။ ဒီဟာတွေအပေါ်မှာ "ငါ" ၀င်မရှုပ်နဲ့တဲ့။ "ငါ" ၀င်ရှုပ်ရင် သက္ကာယဒိဋ္ဌိဘဲလို့ ဟောတော်မူထားခဲ့တယ်။

ဒီအထဲမှာ ငါပိုင်တာ ငါဆိုင်တာ မပါဘူး။ ဒါကြောင့် "ငါပိုင်" "ငါဆိုင်" ဆိုတာလည်း ၀င်ပြီးမရှုပ်ကြစေနဲ့လို့ သတိပေးလိုက်ပါတယ်။ ရုပ်ရော နာမ်ရော၊ သူ့အကြောင်းတရားက ပြုပြင်ပေးလို့ ဖြစ်ကြရတာ။ ကိုယ်ပိုင် ကိုယ်ဆိုင်တာ မဟုတ်လို့ အနတ္တတရားတွေဘဲလို့ သဘောပေါက်ကြ။

( မိုးကုတ်ဆရာတော်ဘုရားကြီး )

ဝေးသော်လည်း နီးပါသည်။

အနာထပိဏ်သူဋ္ဌေး၏သမီး စူဠသုဘဒ္ဒါသည် ဥဂ္ဂမြို့မှ သူဋ္ဌေးသားနှင့် လက်ထပ်ထိမ်းမြား၏၊ ထို့နောက် လင်ယောက်ျားအိမ်သို့ လိုက်နေရ၏၊ ယောက်ျားသည် တိတ္ထိများကို ကိုးကွယ်သူဖြစ်သည်။ သူ၏အိမ်၌ မင်္ဂလာပွဲ ကျင်းပသောအခါ အ၀တ်မ၀တ်သော တိတ္ထိဆရာကြီးများကို ဖိတ်ခေါ်ကျွေးမွေး၏၊ ယောက္ခမများက စူဠသုဘဒ္ဒါအား ရှိခိုးရန်ခေါ်၏၊ စူဠသုဘဒ္ဒါသည် တိတ္ထိများကို ကြည့်ရန်ရှက်သဖြင့် အနားမလာပေ။

ထို့နောက် ယောက္ခမများအား မြတ်ဗုဒ္ဓဂုဏ်တော်များကို ပြောပြရာ၊
အိမ်သို့ ပင့်ဖိတ်ခွင့်ပြုသဖြင့်၊ စူဠသုဘဒ္ဒါသည်၊ ဇေတ၀န်ကျောင်းတော် ရှိရာဘက်သို့ မျက်နှာမူ၍ . .
"အရှင်ဘုရား၊ မနက်ဖန် သံဃာတော်များနှင့်တကွ ဆွမ်းဘုဉ်းပေးရန် ကြွတော်မူပါ၊ ဤပန်းဖြင့် ပူဇော်ပင့်ဖိတ်ပါသည်" ဟု အဓိဋ္ဌာန်ပြု၍ မြတ်လေးပန်းရှစ်ဆုပ်ကို ကောင်းကင်သို့ လွှင့်တင်လိုက်၏။

ပန်းများသည် ဘုရားရှင်အထံ ရောက်သွားပြီး၊ တရားပလ္လင်အထက်ဝယ် ပန်းမျက်နှာကြက်ဖြစ်၍ တည်၏၊ ထိုအချိန်တွင် အနာထပိဏ်သူဋ္ဌေးက နက်ဖြန် သူ၏အိမ်သို့ ဆွမ်းစားကြွပါ-ဟု လာပင့်ရာ၊ ဘုရားရှင်က၊ ဥဂ္ဂမြို့မှ စူဠသုဘဒ္ဒါ၏ ဖိတ်ကြားချက်ကို လက်ခံပြီးကြောင်း မိန့်ကြား၏၊

အနာထပိဏ်သူဋ္ဌေးက၊ "အရှင်ဘုရား - စူဠသုဘဒ္ဒါသည် ဤအရပ်မှ ယူဇနာ တစ်ရာ့နှစ်ဆယ် ဝေးသောအရပ်၌ နေသည်မဟုတ်ပါလော" ဟု လျှောက်ထားသည်။ ထိုအခါ ဘုရားရှင်က၊
"ဒါယကာကြီး - သူတော်ကောင်းတို့သည် ဝေးသောအရပ်၌ နေသော်လည်း မျက်မှောက်အနီး၌ တည်သကဲ့သို့ ထင်ရှားရှိကုန်၏" ဟု မိန့်တော်မူပြီး အောက်ပါဒေသနာတော်ကို ဟောကြားတော်မူသည်။

နောက်နေ့တွင် နတ်သိကြားတို့၏ အကူအညီဖြင့် ဘုရားရှင်နှင့်တကွ သံဃာတော်များ ကြွရောက်၍ တရားဟောတော်မူရာ၊ ဥဂ္ဂသူဋ္ဌေး ဇနီးမောင်နှံနှင့်တကွ ပရိသတ်အပေါင်းသည် သောတာပန်စသည် ဖြစ်ကြလေသတည်း။

"ဟိမ၀န္တာတောင်သည် အဝေး၌တည်နေသော်လည်း ထင်ရှားသကဲ့သို့၊ သူတော်ကောင်းတို့သည် အဝေး၌ပင် နေသော်လည်း၊ ထင်ရှားကုန်၏။ ညအခါ ပစ်လွှတ်လိုက်သော မြားတို့သည် မထင်ရှားကုန်သကဲ့သို့၊ သူယုတ်မာတို့သည် အနီး၌ တည်နေကြသော်လည်း၊ မထင်ရှားကြကုန်"

( ဓမ္မပဒ - ပကိဏ္ဏက၀ဂ် )

‎'အတ္တ' ဘယ်မှာ မရှိပါဘဲ . .

သာဝတ္ထိမြို့တော်မှ အာနန္ဒာမည်သော သူဋ္ဌေးကြီးတစ်ဦးသည် ကုဋေလေးဆယ်ကြွယ်ဝပါသော်လည်း အလွန်တရာကပ်စေးနှဲသည် ဖြစ်၍
မိမိသား မူလသီရိအား၊ ရှိနေသောဥစ္စာကို သူတစ်ပါးအား မပေးရန်၊ အသစ်အသစ်သောဥစ္စာကို တိုးပွားအောင်ကြိုးစားရန်၊ တစ်ကျပ်တစ်ပြားကိုမျှ အကျိုးမဲ့ကုန်ခမ်းအောင် မပြုလုပ်ရန်၊ ဤသုံးချက်သော အဆုံးအမကို ပေးလေ့ရှိသည်။

တစ်နေ့သောအခါ သူဋ္ဌေးကြီးကွယ်လွန်၍၊ မြို့တံခါးအနီး စဏ္ဍာလရွာတစ်ရွာရှိ စဏ္ဍာလအမျိုးသမီးတစ်ယောက်ထံတွင် ပဋိသန္ဓေတည်နေ၏။ ထိုသူငယ် ပဋိသန္ဓေတည်နေသည်မှစ၍၊ စဏ္ဍာလအမျိုးအနွယ်ဝင် တစ်ထောင်တို့သည် အခစားအလုပ်များ မရကြတော့ပေ။ ထမင်းကျန် ဟင်းကျန်ကိုမျှ ၀လင်အောင်မစားရတော့ပေ။
သို့ဖြစ်၍ လူတစ်ထောင်ကို ထက်ဝက်စီခွဲ၍ ဆင့်ကာဆင့်ကာ သူယုတ်မာကို ရှာဖွေကြလေရာ၊ ထိုသူငယ်ကို ကိုယ်ဝန်ဆောင်ရသူပါသော အုပ်စုသည်၊ ငတ်ပြတ်ဆင်းရဲသည်ချည်း ဖြစ်နေ၏။
ဤသို့ဖြင့် ထိုအမျိုးသမီးတစ်ယောက်တည်းကိုပင် သူယုတ်မာဖြစ်ကြောင်း တွေ့ကြ၍၊ အားလုံးက နှင်ထုတ်လိုက်ကြလေသည်။

စဏ္ဍာလအမျိုးသမီးသည် ရုပ်ဆိုးလှသောသားတစ်ယောက်ကို ဖွားမြင်ပါသော်လည်း၊ မိခင်စိတ်ဖြင့် မစွန့်ပစ်နိုင်ဘဲ နို့ချိုတိုက်ကျွေး မွေးမြူရ၏။ သို့ရာတွင်၊ ထိုကလေးနှင့်အတူတကွ လှည့်လည်တောင်းခံ ရာတွင်၊ ဘာတစ်ခုမှ မရပေ။ ကလေးကိုထားခဲ့ပြီး တောင်းခံပါမှ စားဖွယ်များ ရရှိ၏။ ဤသို့ဖြင့် နေလာကြ၍၊ ထိုကလေး မိမိဘာသာ ရှာဖွေစားသောက် နိုင်သောအချိန်တွင်၊ မိခင်က တစ်ခြားခွဲ၍ လွှတ်လိုက်ရ၏။ သူငယ်သည် တစ်အိမ်ပြီးတစ်အိမ် လှည့်လည်တောင်းရမ်းစားသောက်နေရာ . .
တစ်နေ့တွင် အာနန္ဒာသူဋ္ဌေးကြီးဘ၀က နေခဲ့သောအိမ်ကြီးသို့ ဆိုက်ရောက်လာလေသည်။

အိမ်ကြီးရှေ့ရောက်သည်နှင့် သူငယ်သည် ရှေးဘ၀ကိုအောက်မေ့နိုင်သော ဇာတိဿရဉာဏ်ကို ရလာ၏။ အာနန္ဒာသူဋ္ဌေးကြီး ကွယ်လွန်ပြီးနောက် ကောသလမင်းကြီးက သူဋ္ဌေးသား မူလသီရိအား အမွေဆက်ခံရန် အမိန့်ချမှတ်ပေးသဖြင့်၊ ယခုထိုအိမ်ကြီးသည် မူလသီရိသူဋ္ဌေး၏ အိမ်ကြီးဖြစ်နေ၏။ သူငယ်မှာကား ဤသဘောများကို တွေးတောမနေဘဲ၊ မိမိနေခဲ့ဖူးသောအိမ်အဖြစ် တန်းတန်းမတ်မတ် ၀င်သွားလေရာ၊ သူဋ္ဌေး၏အမှုထမ်းတို့က ရိုက်ပုတ်ကြပြီးလျှင် အမှိုက်ပုံနားတွင် စွန့်ပစ်ထားခဲ့ကြလေသည်။

ထိုအချိန်တွင်ကား ဘုရားရှင်သည် အရှင်အာနန္ဒာနှင့်အတူ သာဝတ္ထိမြို့တော်အတွင်းသို့ ဆွမ်းခံကြွစဉ် ထိုသူငယ်ကိုတွေ့မြင်လေရာ
ထိုသူငယ်၏ ဘ၀နောက်ကြောင်းကို ဟောတော်မူ၏။ ဤတွင် အရှင်အာနန္ဒာသည် မူလသီရိသူဋ္ဌေးကို ခေါ်ယူကာ သူငယ်ကိုပြပြီးလျှင်
"ဒါယကာသူဋ္ဌေး - ဤသူငယ်ကား သင့်ဖခင် အာနန္ဒာသူဋ္ဌေးကြီးပေတည်း" ဟု မိန့်ကြား၏။

မူလသီရိသူဋ္ဌေးက အရှင်အာနန္ဒာ၏စကားကို မယုံနိုင်ဘဲရှိလေရာ၊ အာနန္ဒာသူဋ္ဌေးကြီးဘ၀တုန်းက နှမြောလှသဖြင့် သားကိုမပြောဘဲထားသော ရွှေအိုးကြီးငါးလုံးကို ညွှန်ပြပေးရန်၊ သူငယ်အားမိန့်ကြားလိုက်၏။ သူငယ်ကလည်း ယခင်ဘ၀က မိမိမြှုပ်ထားခဲ့သော ရွှေအိုးကြီးငါးလုံး၏ နေရာကို ညွန်ပြ၏။
ဤတွင်မှ မူလသီရိသူဋ္ဌေးသည် ဘုရားရှင်ကို ဆည်းကပ်လာသဖြင့်၊ ဘုရားရှင်က အောက်ပါဒေသနာတော်ကို ဟောကြားတော်မူလေသတည်း။

"ငါ့အား သားသမီးတို့ ရှိကုန်၏၊ ဥစ္စာတို့ ရှိကုန်၏ဟူ၍ . .
လူမိုက်သည် သာယာစွဲလမ်းမှုဖြင့် ဆင်းရဲပင်ပန်းရ၏။ "

"အမှန်အားဖြင့်၊ မိမိအား အတ္တဟူ၍ မရှိပါဘဲလျက် . .
အဘယ်မှာ မိမိ၏သားသမီး ရှိပေမည်နည်း။
အဘယ်မှာ မိမိဥစ္စာ ရှိပေမည်နည်း။"

( ဓမ္မပဒ၊ ဗာလ၀ဂ်-အာနန္ဒသေဋ္ဌိ ၀တ္ထု )

အနှောင်အဖွဲ့

သာဝတ္ထိမြို့တွင်းသို့ ဆွမ်းခံဝင်လာကြသော ရဟန်းတော်တို့သည် လမ်းတွင် လုယက်မှု၊ ဖောက်ထွင်းမှု၊ လူသတ်မှုတို့ဖြင့် ဖမ်းထားသော တရားခံများကို သံခြေချင်းခတ်ခြင်း၊ လက်ပြန်ကြိုးတုပ်ခြင်း၊ ထိတ်တုံးခတ်ခြင်း စသော အချုပ်အနှောင် အမျိုးမျိုးတို့ဖြင့် ခေါ်ဆောင်လာသည်ကို တွေ့မြင်ခဲ့ကြ၏။

ဇေတ၀န်ကျောင်းတော်သို့ ပြန်ရောက်သောအခါ တရားသဘင်၌ ထိုရာဇ၀တ်သားများ အကြောင်းကို မြတ်စွာဘုရားအား လျှောက်ထားပြီးလျှင်၊

"အရှင်ဘုရား- ဤအနှောင်အဖွဲ့တို့ထက် ခိုင်မြဲသော နှောင်ဖွဲ့မှုများ ရှိပါသေးသလော"ဟု လျှောက်ထားကြ၏။

ဘုရားရှင်က . .
"ရဟန်းတို့ - သင်တို့မြင်ခဲ့သော အနှောင်အဖွဲ့သည် ဘာမျှ မဟုတ်သေး၊ အစားတဏှာ၊ အ၀တ်တဏှာ၊ ပစ္စည်းဥစ္စာတဏှာ၊ သားသမီးဇနီးခင်ပွန်းတဏှာ များသည်သာ လက်ထိတ် ခြေချင်း သံကြိုးတို့ထက် အဆရာထောင်ပို၍ နှောင်ဖွဲ့ကြ၏" ဟု မိန့်တော်မူကာ အောက်ပါဒေသနာတို့ကို ဟောကြားတော်မူလေသတည်း။

"သံဖြင့်ပြုလုပ်သော အနှောင်အဖွဲ့၊ သစ်သားဖြင့် ပြုလုပ်သော အနှောင်အဖွဲ့နှင့်၊ မြက်လျှော်တို့ဖြင့် ပြုလုပ်သော အနှောင်အဖွဲ့တို့ကို၊ ခိုင်မြဲသော အနှောင်အဖွဲ့ဟူ၍ ပညာရှိတို့ မဆိုကုန်။"

"ပတ္တမြားနားတောင်း စသော ရတနာတို့၌၎င်း၊ သားသမီး မယားတို့၌၎င်း၊ လွန်စွာတပ်နှစ်သက်တတ်သော၊ ငဲ့ကွက်တတ်သော တဏှာကိုသာ၊ အနှောင်အဖွဲ့ဟု၊ ပညာရှိတို့ဆိုကုန်၏။"

"ယုတ်နိမ့်ရာဘ၀သို့ ဆောင်ယူတတ်သော ဤအနှောင်အဖွဲ့တို့သည် ဖွဲ့မှန်းမသိ ဖွဲ့ထားသဖြင့် လျော့ရဲဟန်ရှိသော်လည်း လွတ်မြောက်ရန် ခဲယဉ်းလှ၏၊ ပညာရှိတို့သည် ဤအနှောင်အဖွဲ့တို့ကို ဖြတ်တောက်ကာ ကာမချမ်းသာကို ပယ်စွန့်လျက် တောထွက် ကျင့်ဆောင်ကြကုန်၏။"

( ဓမ္မပဒ၊ တဏှာဝဂ်၊ ဗန္ဓနာဂါရ၀တ္ထု )

" နေ့စဉ်ပွားရာ ဤငါးဖြာ "

 ရဟန်းတို့ ငါးပါးကုန်သော ဤအကြောင်းတရားတို့ကို
မိန်းမသည်လည်းကောင်း, ယောက်ျားသည်လည်းကောင်း

လူသည် လည်းကောင်း, ရဟန်းသည်လည်းကောင်း နေ့ညဥ့်
မပြတ် ဆင်ခြင်အပ်ကုန်၏။

အဘယ်ငါးပါးတို့နည်းဟူမူကား -

- ငါသည် အိုခြင်းသဘောရှိသည်၊
အိုခြင်းသဘောတရားကို မလွန်ဆန်နိုင်ချေ။
ဤသို့ နေ့ညဥ့်မပြတ် ဆင်ခြင်အပ်၏။

- ငါသည် နာခြင်းသဘောရှိသည်၊
နာခြင်းသဘောတရားကို မလွန်ဆန်နိုင်ချေ။
ဤသို့ နေ့ညဥ့်မပြတ် ဆင်ခြင်အပ်၏။

- ငါသည် သေခြင်းသဘောရှိသည်၊
သေခြင်းသဘောတရားကို မလွန်ဆန်နိုင်ချေ။
ဤသို့ နေ့ညဥ့်မပြတ် ဆင်ခြင်အပ်၏။

- ငါ့အားခပ်သိမ်းကုန်သောချစ်နှစ်လိုအပ်ကုန်သော။
နှလုံးကိုပွားစေတတ်ကုန် သော အဆွေအမျိုး အဆွေခင်ပွန်း ချစ်ကျွမ်းဝင်သူတို့နှင့် အရပ်တစ်ပါးသို့ ပြောင်း သွားသဖြင့် ရှင်ကွဲကွဲရခြင်းသည် လည်းကောင်း။
ဘ၀တစ်ပါးသို့ ပြောင်းသွား သဖြင့် သေကွဲကွဲရခြင်းသည်ရှိ၏။
ဤသို့ နေ့ညဥ့် မပြတ်ဆင်ခြင်အပ်၏။

- ငါသည် -
ကံသာလျှင် မိမိဥစ္စာရှိသည်။
ကံသာလျှင် အမွေခံရှိသည်။
ကံသာလျှင် အကြောင်းရှိသည်။
ကံသာလျှင် အဆွေအမျိုးရှိသည်။
ကံသာလျှင် ကိုးကွယ် လဲလျောင်းရာရှိသည် ဖြစ်၏။
ကောင်းသည်လည်းဖြစ်သော၊ မကောင်းသည်လည်း
ဖြစ်သော၊ ထိုကံကို ပြုအံ့။
ထိုကောင်းမှု မကောင်းမှုကံ၏ ကောင်းမွေ ဆိုးမွေခံသည် ဖြစ်ရအံ့။ ဤသို့ နေ့ညဥ့်မပြတ် ဆင်ခြင်အပ်၏။

ရဟန်းတို့ ဤငါးပါးသော အကြောင်းတရားတို့ကို မိန်းမသည်လည်းကောင်း ယောက်ျားသည်လည်းကောင်း လူသည်လည်းကောင်း ရဟန်းသည်လည်းကောင်း နေ့ညဥ့်မပြတ် ဆင်ခြင်အပ်ကုန်၏။

]"အဘိဏှသုတ် ပါဠိတော် "
•••••••••••••••••••••••

ပဉ္စိမာနိ ဘိက္ခဝေ ဌာနာနိ အဘိဏှံ ပစ္စဝေက္ခိတဗ္ဗာနိ၊ ဣတ္ထိယာ ၀ါ
ပုရိသေန ၀ါ ဂဟဋ္ဌေန ၀ါ ပဗ္ဗဇိတေန ၀ါ။

ကတမာနိ ပဉ္စ-
၁။ ဇရာဓမ္မောမှိ၊ ဇရံ အနတီတောတိ အဘိဏှံ ပစ္စဝေက္ခိတဗ္ဗံ။

၂။ ဗျာဓိဓမ္မောမှိ၊ ဗျာဓိံ အနတီတောတိ အဘိဏှံ ပစ္စဝေက္ခိတဗ္ဗံ။

၃။ မရဏဓမ္မောမှိ၊ မရဏံ အနတီတောတိ အဘိဏှံ ပစ္စဝေက္ခိတဗ္ဗံ။

၎။ သဗ္ဗေဟိ မေ ပိယေဟိ မနာပေဟိ နာနာဘာဝေါ ၀ိနာဘာဝေါမှိတိ အဘိဏှံ ပစ္စဝေက္ခိတဗ္ဗံ။

၅။ ကမ္မဿကောမှိ ကမ္မဒါယာဒေါ ကမ္မယောနိ ကမ္မဗန္ဓု ကမ္မပ္ပဋိဿရဏော၊
ယံ ကမ္မံ ကရိဿာမိ ကလျာဏံ ၀ါ ပါပကံ ၀ါ၊ တဿ ဒါယာဒေါ ဘ၀ိဿာမီတိ အဘိဏှံ ပစ္စဝေက္ခိတဗ္ဗံ။

ဣမာနိ ခေါ ဘိက္ခဝေ ပဉ္စ ဌာနာနိ အဘိဏှံ ပစ္စဝေက္ခိတဗ္ဗာနိ ဣတ္ထိယာ ၀ါ ပုရိသေန ၀ါ ဂဟဋ္ဌေန ၀ါ ပဗ္ဗဇိတေန ၀ါ။

_/|\_ ခပ်သိမ်းသော ရဟန်း၊ ရှင်၊ လူ၊ နတ်၊ ဗြဟ္မာ သတ္တဝါ အားလုံး ဘေးရန် ကြောင့်ကြ ဆင်းရဲကင်း၍ ကိုယ်, စိတ် နှစ်ဖြာ ကျန်းမာ, ချမ်းသာကြပါစေ …_/|\_

ဓမ္မဒူတမြန်မာဗုဒ္ဓဘာကျောင်း ဖရန့်ဖတ်မြို့တွင်းသို့ပြောင်းရွေ့ခြင်း

ဓမ္မမိတ်ဆွေသူတော်စင် အပေါင်းတို့ခင်ဗျား.........

 ဓမ္မဒူတမြန်မာဗုဒ္ဓဘာကျောင်း အား ယခင်Fechenheim မှအခန်းနေရာဌားရမ်းထားတည်ထောင်ထား သည်မှာ ၂နှစ်စာချုပ်ပြည့်ပြီဖြစ်ပါသည်။ယခုအခါ မြန်မာလူမျိုးတို့ကိုယ်ပိုင် ပိုင်ဆိုင်သောကျောင်း တော်ကြီးဖြစ်မြောက်ဖို့ရန် မကြာတော့ပြီဖြစ်ပါသဖြင့် ထိုနေရာအားထပ်မံစာချုပ်မချုပ်ဆိုတော့ရန် အသင်းမှဆုံးဖြတ်ချက်ချမှတ်ခဲ့ပါသည်။သို့ပါသဖြင့် ယခုကျောင်းသစ်နေရာဖြစ်သော မြို့လယ်ခေါင် Hauptbahnhof ဘေးဧရိယာ သို့ ကျောင်းဝယ်ပြီးသည်အထိ ယာယီပြောင်းရွေ့ ထားမည်ဖြစ်ပြီး သံဃာများ ချမ်းသာစွာသီတင်းသုံးနေထိုင်ကြမည်ဖြစ်ပါကြောင်း အသင်းကြီးမှ လေးစားစွာအကြောင်းကြားအပ်ပါသည်။

ယာယီကျောင်းသစ်နေရာ။     ။Gutleutstr.127,60327,Frankfurt am Main (တတိယထပ်)

Hauptbahnhof မှ Straßebahn 12,16,21 စီးပါ။မှတ်တိုင် Baseler Platz

Bell တီးရန်    ။             ။MBCG,Aung Kyaw Myint

ဖုန်း ။               ။01745745515     

သံဃာများ။           ။  ၁။အရှင်ကောဝိဒ

                               ၂။အရှင်သောပါက

                               ၃။အရှင်သုမန   

တန်ဆောင်မုန်းလပြည့်နေ့၊ သာမညဖလအခါတော်နေ့

••••••••••••••••••••••••••••••••••••••••••••••••
အခါတစ်ပါး၌၊ မြတ်စွာဘုရားသည်၊ တစ်ထောင့်နှစ်ရာ့ငါးကျိပ်ရှိသော များစွာသော ရဟန်းသံဃာနှင့်အတူ၊ ရာဇဂြိုဟ်ပြည်ရှိ ဇီဝက၏ သရက်ဥယျာဉ်၌ သီတင်းသုံးနေတော်မူ၏။

ထိုအချိန်တွင်၊ မဂဓတိုင်းရှင် အဇာတသတ်မင်းသည၊် မိုးလေးလအဆုံး၊ ကုမုဒြာကြာပွင့်ချိန် တန်ဆောင်မုန်းလပြည့်နေ့ ညဥ့်၌ မင်းအမတ်အပေါင်း ခြံရံလျက်၊ မြတ်သော နန်းပြာသာဒ်၌ နေကာ

ဤသို့ ဥဒါန်းကျူးရင့်၏ -

'အချင်းတို့ လသာသော ညဥ့်သည် မွေ့လျော်ဖွယ် ကောင်းစွတကား၊ ဤညဥ့်သည် အလွန်လှစွတကား၊ ဤညဥ့်သည် ရှုချင်ဖွယ် ကောင်းစွတကား၊ ဤညဥ့်သည် ကြည်နူးဖွယ် ကောင်းစွတကား၊ ဤညဥ့်သည်မှတ်သားဖွယ် ကောင်းစွတကား၊ ယနေ့ အဘယ်သမဏဗြာဟ္မဏကို ငါတို့ ဆည်းကပ်ရပါ ကုန်အံ့နည်း၊ အဘယ်သမဏဗြာဟ္မဏကို ဆည်းကပ်လျှင် ငါတို့၏ စိတ်သည် ကြည်လင်ရာပါအံ့ နည်း''ဟု ကျူးရင့်၏။

အဇာတသတ်မင်းသည် ဒေ၀ဒတ်နှင့် ပေါင်းမိသဖြင့် ခမည်းတော် ဗိမ္ဗိသာရမင်းကို သတ်ခဲ့မိသော ပဉ္စာနန္တိယ ကံကြီးကြောင့် အလွန်ကြည်နူး သာယာဖွယ်ကောင်ေးသာ တန်ဆောင်မုန်းလပြည့်ည၏ အလှအပကို မခံစားနိုင်ဘဲ အိပ်စက်မရနိုင်ခဲ့ပေ။ ခမည်းတော်ကို လုပ်ကြံခဲ့သောအချိန်မှ စ၍ အိပ်မပျော်သော ရောဂါဝေဒနာ စွဲကပ်ခဲ့သည်။ သူ၏မျက်လုံးတို့ကို လှံချက်ပေါင်း အရာအထောင်တို့ဖြင့် ထိုးဆွခြင်းခံရသလို ဝေဒနာစွဲကပ် ခဲ့သည်။ ထိုဝေဒနာ ပျောက်ကင်းအောင် မည်သည့်ဆေးနှင့်မှ ကုစား၍မရ ဖြစ်နေသည်။

ထို့အပြင်၊ ရဟန်းပြုခြင်း၏အကျိုး (သာမညဖလ) အမှန်တကယ်ရှိမရှိကို စိတ်ထဲတွင် ပြဿနာဖြစ်၍နေသည်။ ထင်ရှားလှသော ပဏ္ဍိတ်ကြီးများထံ ချဉ်းကပ်မေးမြန်း ခဲ့ဖူးသော်လည်း၊ ကျေနပ်လောက်အောင် အဖြေမှန်မရခဲ့ချေ။ ဤပြဿနာကို ဘုရားရှင်မှလွဲ၍ မည်သူမျှ မဖြေနိုင်မှန်းလည်း သိ၏။

သို့သော် ခမည်းတော်အား သတ်ခဲ့မိသည့်အတွက် ဘုရားရှင်ကို မဖူးတွေ့ဝံ့အောင် ဖြစ်နေရရှာ၏။
တိုင်းရေးပြည်ရေးကတစ်ဖုံ၊ အဖသတ်မိ၍ နောင်တကြီးစွာ ရနေသည်က တစ်သွယ်၊ သားတော်လေး ဥဒယဘဒ္ဒ ကြီးပြင်းလာသည့်အခါ မိမိကို ပြန်သတ်မှာကို စိုးရိမ်ရသည်က တစ်ကြောင်း၊ သိချင်သည့်ပြဿနာကို မသိရသည်က တစ်ခက် ဖြစ်နေသဖြင့်၊ မာဂဓတိုင်းကြီးရှင် အဇာတသတ်ဘုရင်မှာ စိတ်မရွှင်ဘဲ ရှိနေရရှာသည်။

အဇာတသတ်မင်း၏ မင်းအမတ် ၆-ဦးတို့က၊ တိတ္ထိဆရာကြီး ၆-ဦးတို့၏ ဂုဏ်တို့ကို ဖော်ညွှန်းပြီး၊ ထိုသူတို့ကို ဆည်းကပ်လျှင် မင်းမြတ်၏စိတ်သည် ကြည်လင်တန်ရာပါ၏ ဟု အသီးသီးလျှောက်ထားကြသော်၊ မဂဓတိုင်းရှင် အဇာတသတ်မင်းသည် ဆိတ်ဆိတ် နေ၏။

ထိုစဉ်အခါ၌ (အဘယ) မင်းသားမွေးစားသော ဇီဝကသည်၊ အဇာတသတ်မင်း၏ အနီး၌ ဆိတ်ဆိတ် ထိုင်နေလျက် ရှိ၏၊ ထိုအခါ အေဇာတသတ်မင်းသည် ဇီဝကအား ''အချင်း ဇီဝကသင်သည်ကား အဘယ်ကြောင့် ဆိတ်ဆိတ် နေဘိသနည်း''ဟု ဆို၏။ ထိုအခါတွင်မှ ဇီဝကသည်၊ ဘုရင်ကို လက်အုပ်မချီ ကျောပေးကာ၊ ဘုရားရှင်ရှိရာ သရက်တောဘက်သို့ လက်အုပ်ချီမိုးပြီး ဘုရားရှင်၏ ဂုဏ်တော်အပေါင်းကို ချီးကျူးပူဇော်ကာ ဤသို့ဖြေကြား၏။

''မင်းမြတ် ပူဇော်အထူးကို ခံတော်မူထိုက်သော အလုံးစုံသော တရားတို့ကို ကိုယ်တိုင် မှန်စွာသိတော်မူသော ဤမြတ်စွာဘုရားသည် များစွာသော ရဟန်းသံဃာနှင့်အတူ အကျွန်ုပ်တို့၏ သရက်ဥယျာဉ်၌ (သီတင်းသုံး) နေတော်မူပါ၏၊ ထိုမြတ်စွာဘုရား၏ကောင်းသော ကျော်စောသတင်းသည် ဤသို့ ပျံ့နှံ့၍ ထွက်ပါ၏ -

'ထို မြတ်စွာဘုရားသည် ပူဇော်အထူးကို ခံတော်မူထိုက်သော အကြောင်းကြောင့်လည်း 'အရဟံ' မည်တော်မူ၏၊ (အလုံးစုံသော တရားတို့ကို) ကိုယ်တိုင် မှန်စွာ သိတော်မူသော အကြောင်းကြောင့်လည်း 'သမ္မာသမ္ဗုဒ္ဓ' မည်တော်မူ၏၊ အသိဉာဏ် 'ဝိဇ္ဇာ' အကျင့် 'စရဏ' နှင့် ပြည့်စုံတော်မူသောအကြောင်းကြောင့်လည်း 'ဝိဇ္ဇာစရဏသမ္ပန္န' မည်တော်မူ၏၊ ကောင်းသော စကားကို ဆိုတော်မူတတ်သော အကြောင်းကြောင့်လည်း 'သုဂတ' မည်တော်မူ၏၊ လောကကို သိတော်မူသော အကြောင်းကြောင့်လည်း 'လောကဝိဒူ' မည်တော်မူ၏၊ ဆုံးမထိုက်သူကို ဆုံးမတတ်သည့် အတုမဲ့ ပုဂ္ဂိုလ် ဖြစ်တော်မူသော အကြောင်းကြောင့်လည်း 'အနုတ္တရော ပုရိသဒမ္မသာရထိ' မည်တော်မူ၏၊ နတ်လူတို့၏ဆရာဖြစ်တော်မူသော အကြောင်းကြောင့်လည်း 'သတ္ထာ ဒေဝမနုဿာနံ' မည်တော်မူ၏၊ (သစ္စာလေးပါးတရားတို့ကို) သိစေတော်မူသော အကြောင်းကြောင့်လည်း 'ဗုဒ္ဓ' မည်တော်မူ၏၊ ဘုန်းတန်ခိုးကြီးတော်မူသော အကြောင်းကြောင့်လည်း 'ဘဂဝါ' မည်တော်မူ၏'ဟု ပျံ့နှံ့၍ ထွက်ပါ၏။

"မင်းမြတ်သည် ထိုမြတ်စွာဘုရားကို ဆည်းကပ်တော်မူပါ၊ မြတ်စွာဘုရားကို ဆည်းကပ်လျှင် မင်းမြတ်၏စိတ်သည် ကြည်လင်တန်ရာပါ၏''ဟု လျှောက်၏။

'အချင်း ဇီဝက သို့ဖြစ်လျှင် ဆင်ယာဉ်တို့ကို ပြင်ဆင်စေလော့''။

ဤသို့ဖြင့်၊ ဇီဝကသည် ဆင်မငါးရာနှင့် မင်း၏ စီးတော်ဆင်ကို ပြင်ဆင်စေပြီးလျှင်၊ ဆင်မငါးရာတို့၌မောင်းမတို့ကို တစ်ဦးစီ စီးစေ၍၊ အဇာသတတ်မင်းက၊ စီးတော်ဆင်ကို စီးပြီး၊ မီးရှူးတိုင်တို့ကို ဆောင်စေလျက် ဇီဝက၏ သရက်ဥယျာဉ်သို့ သွားလေ၏။

အဇာတသတ်မင်းသည် သရက်ဥယျာဉ်၏ အနီးသို့ရောက်လျှင်၊ ကြောက်ခြင်း တုန်လှုပ်ခြင်း ကြက်သီးမွေးညင်းထခြင်း ဖြစ်၏၊
'အချင်း ဇီဝက - ငါ့ကို မလှည့်ပတ် မဖြားယောင်းသည် မှန်၏လော့၊ ငါ့ကို ရန်သူတို့အား မအပ်နှင်းသည် မှန်၏လော့၊ တစ်ထောင့်နှစ်ရာ့ငါးကျိပ်မျှရှိ မြောက်မြားသော ရဟန်းသံဃာ၏ ချေဆတ်သံ ချောင်းဟန့်သံ စကားပြောသံသည် အဘယ်ကြောင့် မဖြစ်ဘိသနည်း''ဟု ဆို၏။

'မင်းကြီး - ကြောက်တော်မမူပါလင့်။ မင်းမြတ် သင့်ကို မလှည့်ပတ်ပါ၊ သင့်ကို မဖြားယောင်းပါ၊ သင့်ကို ရန်သူတို့အား မအပ်နှင်းပါ။ မင်းကြီး ရှေ့သို့ ကြွတော်မူပါလော့၊ မင်းကြီး ရှေ့သို့ ကြွတော်မူပါလော့၊ တန်ဆောင်းဝန်း၌ ဤဆီမီးတို့သည် တောက်ပ လျက် ရှိပါကုန်၏''ဟု လျှောက်၏။

ထိုအခါ အဇာတသတ်မင်းသည် တန်ဆောင်းဝန်း တံခါးရှိရာသို့ချဉ်းကပ်၍ ''အချင်း ဇီဝက မြတ်စွာဘုရား အဘယ်မှာနည်း''ဟု ဆို၏။
''မင်းကြီး အလယ်တိုင်ကို မှီ၍ အရှေ့အရပ်သို့ မျက်နှာမူလျက် ရဟန်းသံဃာ၏ ရှေ့၌ ထိုင်နေ သောပုဂ္ဂိုလ်သည် မြတ်စွာဘုရားပါတည်း''ဟု လျှောက်၏။

အဇာတသတ်မင်းသည် မြတ်စွာဘုရားထံသို့ချဉ်းကပ်ပြီးလျှင် မြတ်စွာဘုရားကို ရှိခိုး၍ တစ်ခုသော နေရာ၌ ရပ်ပြီးသော် ကြည်လင်သော အိုင်ကြီးကဲ့သို့ (ငြိမ်သက်သော) ဆိတ်ဆိတ်နေသော ရဟန်းသံဃာကို အဖန်ဖန် ကြည့်ရှု၍ (ဤသို့) ဥဒါန်းကျူးရင့်၏ -

''ယခုအခါ ရဟန်းသံဃာသည် အကြင် ငြိမ်သက်ခြင်းနှင့် ပြည့်စုံ၏၊ ငါ၏ (သား) ဥဒယဘဒ္ဒ မင်းသားသည် ဤငြိမ်သက်ခြင်းနှင့် ပြည့်စုံပါစေသတည်း''ဟု ဥဒါန်း ကျူးရင့်၏။

''မင်းကြီး ချစ်မြတ်နိုးရာသို့ သင် (စိတ်အားဖြင့်) ရောက်သွားလေပြီ''ဟု မြတ်စွာဘုရားက မိန့်တော်မူ၏။

ထို့နောက် အဇာတသတ်မင်းသည် မြတ်စွာဘုရားကိုရှိခိုး၍ ရဟန်းသံဃာကို လက်အုပ်ချီပြီးလျှင် တစ်ခုသော နေရာ၌ ထိုင်လျက် ရဟန်းပြုခြင်း၏ အကျိုးတရားတို့ကို မေးလျှောက်ရာ၊ မြတ်စွာဘုရားရှင်သည် သာမညဖလ သုတ္တန် ဒေသနာတော်ကို အကျယ်တ၀င့် အနိမ့်ဆုံးအဆင့်မှ အမြင့်ဆုံးအဆင့်ထိ တစ်ဆင့်ပြီး တစ်ဆင့် ဟောကြားတော်မူသည်။

သာမညဖလ သုတ္တန်ကို နာကြားရအပြီးတွင်၊ အဇာတသတ်မင်းသည် မြတ်စွာဘုရားအား ဤစကားကို လျှောက်၏။

"အရှင်ဘုရား (တရားတော်သည်) အလွန်နှစ်သက်ဖွယ် ရှိပါပေ၏၊ ဥပမာသော်ကား မှောက်ထားသည်ကိုလှန်ဘိသကဲ့သို့လည်းကောင်း၊ ဖုံးလွှမ်းထားသည်ကို ဖွင့်လှစ်ဘိသကဲ့သို့ လည်းကောင်း၊ မျက်စိလည်သောသူအား လမ်းမှန်ကို ပြောကြားဘိသကဲ့သို့လည်းကောင်း၊ မျက်စိအမြင်ရှိသော သူတို့သည်အဆင်းတို့ကို မြင်ကြလိမ့်ဟု အမိုက်မှောင်၌ ဆီမီးတန်ဆောင်ကို ဆောင်ပြဘိသကဲ့သို့လည်းကောင်း၊ ဤအတူသာလျှင် မြတ်စွာဘုရားသည် များစွာသော အကြောင်းဖြင့် တရားတော်ကို ပြတော်မူပါပေ၏၊
အရှင်ဘုရား အကျွန်ုပ်သည် မြတ်စွာဘုရားကို ကိုးကွယ်ရာ ဟူ၍ ဆည်းကပ်ပါ၏၊ တရားတော်ကိုလည်း ကိုးကွယ်ရာဟူ၍ ဆည်းကပ်ပါ၏၊ သံဃာတော်ကို လည်း ကိုးကွယ်ရာဟူ၍ဆည်းကပ်ပါ၏၊
မြတ်စွာဘုရားသည် အကျွန်ုပ်ကို ယနေ့မှ စ၍ အသက် ထက်ဆုံး ကိုးကွယ်ဆည်းကပ်သော ဥပါသကာဟု မှတ်တော်မူပါ၊ အရှင်ဘုရား။ မိုက်သည့် အလျောက်တွေဝေသည့်အလျောက် မလိမ္မာသည့်အလျောက် အပြစ်သည် အကျွန်ုပ်ကို လွှမ်းမိုးသွား ခဲ့ပါ၏၊
အကျွန်ုပ်သည် တရားစောင့်သော တရားသဖြင့် မင်းပြုသော ခမည်းတော်ကို မင်းစည်းစိမ် ဟူသောအကြောင်းကြောင့် သတ်ခဲ့မိပါ၏၊
မြတ်စွာဘုရားသည် ထိုအကျွန်ုပ်၏ အပြစ်ကို နောင်အခါစောင့်စည်းခြင်းငှါ အပြစ်ဟု လက်ခံတော်မူပါ ဘုရား''ဟု လျှောက်၏။

"မင်းကြီး - မိုက်သည့်အလျောက် တွေဝေသည့်အလျောက် မလိမ္မာသည့်အလျောက် အပြစ်သည်သင့်ကို စင်စစ် လွှမ်းမိုးသွားခဲ့၏၊ သင်သည် တရားစောင့်သော တရားသဖြင့် မင်းပြုသောခမည်းတော်ကို သတ်ခဲ့မိ၏၊ မင်းကြီး သင်သည် အပြစ်ကို အပြစ်ဟု မြင်၍ အပြစ်အားလျော်စွာကုစားသောကြောင့် သင်၏ ထိုအပြစ်ကို၊ (အပြစ်ဟု) ငါတို့ လက်ခံကုန်၏၊
မင်းကြီး - အကြင်သူသည်အပြစ်ကို အပြစ်ဟု မြင်၍ အကြောင်းအားလျော်စွာ ကုစား၏၊ နောင်အခါ စောင့်စည်း၏၊ (ထိုသူ၏) ဤ (ကုစားစောင့်စည်းခြင်း) သည် အရိယာ၏ ဝိနည်းအဆုံးအမ၌ ကြီးပွားခြင်းပင်တည်း" ဟု မိန့်တော်မူ၏။

ထိုအခါ အဇာတသတ်မင်းသည် မြတ်စွာဘုရား ဟောတော်မူသော တရားတော်ကို အလွန်နှစ်သက်စွာ ခံယူ၍ ဝမ်းမြောက်စွာ ချီးကျူးပြီးနောက် နေရာမှ ထကာမြတ်စွာဘုရားကို ရှိခိုး၍ အရိုအသေပြုပြီးလျှင် ဖဲခွါသွားလေ၏။

မြတ်စွာဘုရားသည်အဇာတသတ်မင်း ပြန်သွား၍မကြာမီ ရဟန်းတို့ကို (ဤသို့) မိန့်တော်မူ၏-
''ရဟန်းတို့ - ဤမင်းသည် (မိမိတည်ရာကို မိမိ) တူးဖြိုခဲ့၏၊
ရဟန်းတို့ - ဤမင်းသည် (မိမိကိုယ်ကို မိမိ) ဖျက်ဆီးခဲ့၏၊
ရဟန်းတို့ - ဤမင်းသည် တရားစောင့်သော၊ တရားသဖြင့် မင်းပြုသော ခမည်းတော် ကိုမသတ်မိပါမူ၊ ဤမင်းအား ဤနေရာ၌ပင်လျှင် ကိလေသာမြူ အညစ်အကြေးကင်းသော တရားမျက်စိ (သောတာပတ္တိမဂ်ဉာဏ်) သည် ဖြစ်ပေါ်ရာ၏''ဟု မိန့်ဆိုတော်မူ၏။

ထိုနေ့တွင်ဟောကြားသော သာမညဖလ သုတ်တော်ကြောင့် အဇာသတတ်မင်းသည်၊
* အိပ်မပျော်သော ရောဂါဝေဒနာ ငြိမ်းအေးသက်သာခဲ့ရ၏။
* ရတနာသုံးပါးကို နှစ်နှစ်ကာကာ ယုံကြည်လာခဲ့၏။
* ပုထုဇဉ်တို့တွင် ရတနာသုံးပါးကို အကြည်ညိုဆုံး ဧတဒဂ်ရရှိခဲ့၏။
* နောင်သောအခါ၊ ပထမသင်္ဂါယနာတင်ပွဲကြီး ဖြစ်မြောက်အောင် ကူညီခဲ့သည်။
* နှောင်းခတ် ဗုဒ္ဓဘာသာဝင်များအတွက် ဓာတ်တော် များကို စနစ်တကျ သိမ်းဆည်းထားခဲ့သည်။
* ဗုဒ္ဓသာသနာတော်နှစ်ကို အတိအကျ သတ်မှတ်ပေးခဲ့သည်။
* ခမည်းတော်ကို သတ်ခဲ့သဖြင့် အပြစ်ကြီးလေးသော မဟာအ၀ီစီငရဲ၌ မခံရတော့ဘဲ အပြစ်ပေါ့သော လောဟကုမ္ဘီငရဲ၌ အနှစ်ခြောက်သောင်းသာ ခံရတော့သည်။
* ငရဲမှလွတ်ပြီး နောက်အနာဂတ်ကာလ၌ ၀ိဇိတာဝီအမည်ဖြင့် ပစ္စေကဗုဒ္ဓါဖြစ်ပြီး ကျွတ်တမ်းဝင်ပေတော့မည်။

တန်ဆောင်မုန်းလပြည့်နေ့တွင်၊ မြတ်စွာဘုရားက အဇာတသတ်မင်းအား သာမညဖလသုတ္တန်ကို ဟောကြားတော် မူသောကြောင့်၊ ဤနေ့ကို သာမညဖလ အခါတော်နေ့ ဟူ၍ သတ်မှတ်ကာ၊ သံဃာရတနာ၏ ဂုဏ်ကျေးဇူးအပေါင်းကို ပူဇော်ကြသည့် အချိန်အခါ ဖြစ်ပါသည်။

( သာမညဖလသုတ် )

အဘယ်တရားသည် .

••••••••••••••••••••••
အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန်ကျောင်း၌ (သီတင်းသုံး) နေတော်မူ၏၊ ထိုအခါ နတ်သား တစ်ယောက်သည် အလွန်နှစ်သက်ဖွယ်သော အဆင်းရှိသည်ဖြစ်၍ ညဥ့်ဦးယံလွန်ပြီးသော (သန်းခေါင်ယံ) အချိန်၌ ဇေတဝန်တစ်ကျောင်းလုံးကို ထွန်းလင်းစေလျက်၊ မြတ်စွာဘုရားအထံသို့ ချဉ်းကပ်၍ မြတ်စွာဘုရားကို ရှိခိုးပြီးလျှင်၊ တစ်ခုသော အရပ်၌ ရပ်တည်ပြီးသော်၊ မြတ်စွာဘုရား၏ ထံတော်ပါး၌ ဤသို့မေးလျှောက်၏-

အရှင်ဘုရား -

* အဘယ်တရားသည် အိုသည်တိုင်အောင် ကောင်းပါသနည်း၊
* အဘယ်တရား သည် တည်ရှိသော် ကောင်းပါသနည်း၊
* အဘယ်တရားသည် လူတို့၏ ရတနာမည် ပါသနည်း၊
* အဘယ်တရားကို ခိုးသူတို့သည် ခိုးယူနိုင်ခဲပါသနည်း၊

ထိုအခါ၊ ဘုရားရှင်က . .
* အကျင့်သီလသည် အိုသည်တိုင်အောင် ကောင်း၏၊
* ယုံကြည်မှု 'သဒ္ဓါ'တရား တည် သည်ရှိသော် ကောင်း၏၊
* ပညာသည် လူတို့၏ ရတနာမည်၏၊
* ကောင်းမှုကို ခိုးသူတို့သည် ခိုးယူနိုင်ခဲ၏- ဟု ဟောကြားတော်မူသတည်း။

( ဇရာဝဂ် - ဇရာသုတ် )

ခရီးမဆုံးသေးကြောင်း ကောင်းကောင်းကြီး သဘောပေါက်ပါလေ

" သူတော်ကောင်းတို့ ပြောသောစကား
ကောင်းပါပေသည် သဘောကျပြီး
ထိုပြောစကားအတိုင်း မလိုက်နာချေလျှင်
သူတစ်ပါး၏ ပါးစပ်ဖျား အနားယူနေသူ
ခရီးသည်သာတည်း။

- သူ့အိမ်သွား အနားယူနေသူသည်
ကိုယ့်အိမ်မဟုတ်ရကား...ခရီးမဆုံးသေးကြောင်း
ကောင်းကောင်းကြီး သဘောပေါက်ပါလေ။ "

- (ကျေးဇူးတော်ရှင် မဟာဗောဓိမြိုင် ဆရာတော်ကြီး)

‎

" သာသနာပြုတို့ ထားရှိရမည့် စိတ်နေသဘောထား "

‎
ဝေနေယျလောကသားတို့မှာကား-
သံသရာတစ်ခွင် ခရီးပြင်ကျယ်ကြီးထဲ၌ မျက်စိလည်လမ်းမှား၊

အကဏ်း(အကန်း)သွား ဘ၀ဖြင့်သာလမ်းများလျက်ဝဲလည်နေကြ
ရရှာပါကုန်၏။

အကဏ်းသမားများပီပီ မမှန်လမ်းသို့ကား ထန်ထန်နှင့် သန်သန်ကြီးပင် လျှောက်နေကြရရှာကုန်၏။

လမ်းကားမှောင်မှောင်၊ လူကောင်ကလည်း ကန်းကန်းဖြစ်သဖြင့် ထင်ရာမြင်ရာနှင့် ခြေဦးတည့်ရသို့သာစမ်းတမ်းလျက် သွားနေကြ
ရရှာပါကုန်၏။

အမှောင်အတွင်း၌ ပက်ပင်းတွေ့ရသော အရာဝတ္ထုမှန်သမျှ -
- တစ်ဘက်ကအကောင်းပြော ပြောလျှင် ပြုံး၍ပြတတ် လက်ခံရတတ်ချေ၏။
- တစ်ဘက်က အဆိုးပြောပြောလျှင်လည်း မဲ့၍ပြတတ် ပယ်လှန်ရတတ်ချေ၏။
- ကိုယ်တိုင်မမြင်တွေ့ရချေသဖြင့် အပြောနှင့်သာ ခေါင်းညိတ်
ခေါင်းခါနေရရှာ၏။

မွေးကတည်းက ကဏ်းခဲ့သဖြင့် သူကဏ်းတစ်ယောက်သည်ကား-
- သံပရာသီးကို ထန်းလျက်ပြောလည်း၊ ယုံကြည်တတ်၏။
- ထန်းလျက်ကို သံပုရာသီးဟုပြောလည်း ယုံကြည်ရတတ်၏။
ထို့အတူ မွေးကတည်းက ဓမ္မစက္ခု ခေါ်တရားမျက်စိမပါရှာသူ
ဝေနေယျများသည်လည်း မိမိ၏လူမျိုးအလိုက် ပြောသောစကား၏
ပညတ်၌သာ သိရပြီး ထိုပညတ်သို့လိုက်၍သာ ပြုံးခြင်း၊ မဲ့ခြင်း၊
လက်မှောက်ခြင်း၊ လက်လှန်ခြင်းမျိုးကို လုပ်နေကြရရှာကုန်၏။

ထို့ကြောင့် ရယူလိုသည်က တကယ့်လမ်းအကောင်း။
ထလုပ်လိုက် ပြန်တော့ တကယ့်မကောင်းချည်းသာ ဖြစ်ကြ
ရရှာကုန်၏။ အကောင်းထင်လျက်လုပ်မိလေသမျှ မကောင်းသို့သာ
လမ်းဆုံးရချေ၏။ မှန်သောလမ်းသို့ကား ဆန့်တငင်ငင်သာရှိကြ
ပါကုန်၏။

ထိုမှန်သော လမ်းကား တစ်ယောက်ထည်းသွား၍ တစ်ယောက်ထည်း
ကောင်းသောသဘော၊ ထိုတစ်ယောက်ထည်းကောင်း၍ကြွေးကင်းသော၊
ကြွေးကင်း၍ ပိုလျှံလာသဖြင့်အများသို့ကောင်း ပစ္စည်းဝေပေးနိုင်သော
မှန်လမ်းကို ငါစွဲအတ္တ၊ သာယာစွဲတဏှာ အဖော်ပါမှပျော်တတ်သော
(ကိလေသာတို့၏ဖုံးကွယ်ထားမှုကြောင့်) အကဏ်းသမားတို့သည်
အကောင်းဟူ၍ လည်းမထင်၊ ပေါင်းကောင်းသောအမျိုးဟူ၍ပင်
မမှတ်ချင်တတ်ကြချေ။

ထိုမျက်စိလည်လမ်းမှား အကဏ်းသမားတို့ကို
မျက်စိလည်း ကြည်လင် လမ်းလည်းမမှား၊ တစ်လမ်းသွားများ
ဖြစ်ကြရလေအောင် မိမိရောက်ဖူးထားသည့် ကိန်းသေကောင်း
လမ်းကြီးသို့ ကရုဏာရှေ့ထားစာနာသောကိုယ်ချင်းစာတရားများ
ရှေ့တန်းတင်လျက် ရှေ့ဆောင် လမ်းပြဆောင်ရွက်ပေးကြခြင်းဖြင့်
သာသနာပြု သူတော်ကောင်းတို့ တကယ်ရှိရမည့် ဖြူစင်မြင့်မြတ်
စိတ်ကို မွေးမြူကြကုန်ရာ၏။

- ( ကျေးဇူးတော်ရှင် မဟာဗောဓိမြိုင်ဆရာတော်ဘုရားကြီး )

" အနှစ်သာရပြည့်ဝသော သာသနာပြုနည်း "

" စင်စစ် အတွင်းသိက္ခာမဲ့သော စည်ကားမှု မှန်သမျှ
ရှုပ်ထွေးမှု ဗွက်နွံတွင်းသို့သာ နောက်ဆုံး ဥခေါင်းဆိုက်

ရသည်သာဖြစ်ချေတော့၏။ ပညာကင်းသော သဒ္ဓါ
အဖျင်းသို့သာ သက်စေ၏။

စင်စစ် ဘုရားရှင်ညွှန်ကြားတော်မူသော သီလ သိက္ခာ၊
သမာဓိသိက္ခာ၊ ပညာ သိက္ခာဟူသည့် အတွင်းသာသနာတော်
တည်ခြင်းသည်သာ -

* သီလသိက္ခာ - မကောင်းမှုမှန်သမျှ ဘာတစ်ခုမျှ
မပြုကျင့်ခြင်းဖြင့် သာသနာ့သန်ရှင်းရေးကို တာဝန်
ခံနိုင်ချေ၏။

* သမာဓိသိက္ခာ - ကောင်းမှုမှန်သမျှ ဥဿုံပြည့်ဝ
စေခြင်းဖြင့် သာသနာတော်တည်တံ့ရေးကို တာဝန်
ခံနိုင်ချေ၏။

* ပညာသိက္ခာ - မိမိစိတ်ဓာတ် ဖြူစင်မြင့်မြတ်ခြင်းဖြင့်
သာသနာတော် ပြန့်ပွားရေးကို တာဝန်ခံနိုင်ချေ၏။ "

- ( ကျေးဇူးတော်ရှင် မဟာဗောဓိမြိုင်ဆရာတော်ဘုရားကြီး )

ပဋ္ဌာန်း တရားတော် 2

http://www.youtubhttp://www.youtube.com/watch?v=5gdIaFluTCUe.com/watch?v=5gdIaFluTCU

စုပေါင်းမဟာဘုံကထိန် (၂ဝ၁၂)

စုပေါင်းမဟာဘုံကထိန်(၂ဝ၁၂)

ဘုံကထိန်ပွဲ ၁၈.၁၁.၂၀၁၂